Monday, December 5th, 2022

Газета – HURRIYAT


Султонмурод ОЛИМ,

Ўзбекистон Журналистлар

уюшмаси аъзоси

 

                               ГАЗЕТА

 

Болаликнинг китоблари ёпилмас,

Болалигин унутганлар топилмас.

 

Болаликдан сўйлаб берсам мен сизга,

Таъна-дашном ёғдирмассиз сиз бизга.

 

Уч кечани ухлолмасдан ўткардим.

Уни энди сизга қандай еткардим?

 

Бири – отам рубоб олиб берган кун,

Тонгга қадар бедорликда ўтди тун.

 

Ўн учимда чиқди ёзган мақолам,

Мендек ухлай олмади ҳеч бу олам.

 

Яна бир тун ухламадим, қайтмайман,

Фарзандлардан уяламан – айтмайман.

 

Эллик беш йил бўлди, мана, тиним – йўқ,

Газетасиз ўтган бирор куним – йўқ.

 

Газета бу элнинг айтар сўзидир,

Ҳам оламга боқар ўткир кўзидир.

 

Интернетга ишонманглар, тезкордир,

Юзинг-кўзинг, демас, жуда безкордир.

 

Фикр бор-у, кўпинча бир далил – йўқ,

Хабар айтар, онгни очар таҳлил – йўқ.

 

Газетасиз яшаган эл ғўр бўлар,

Газетасиз қолган кўзлар кўр бўлар.

 

Юздан ошиб, ўтганимда, орзум – шул,

Газетанинг босилмайин қолган ул,

 

(Устингиздан кулса-кулсин минг-минглар),

Қоғозидан кафан қилиб, кўминглар.

16.09.2022.

Янгиликларни дўстларингизга улашинг



Source link